ادخل هناا وشوف سر جمال البنت والولد !!!!!!!!!!!!!!!!!!!!!!!!!!!!!!

انت جميله...؟! ايه اللى يثبت...؟!
انت جميل...؟! ايه اللى يثبت...؟!

فى حد قبل كده اتسأل سؤال زى ده.......؟!

طيب انا بقى بسأل

يا ترى يا شباب ايه هو مقياس الجمال عند البنت فى نظركم ؟!
يا ترى هو الجمال الامريكى (الشعر الصفر والعيون الخضر) ؟!
ولا جمال نانسى واليسا وشاكيرا وغيرهم ؟!

ويا ترى يا بنات ايه هو مقياس الجمال عند الشاب فى نظركم ؟!
يا ترى هو الشعر المسبسب والجيل اللى موقفه بيه والبنطلون الواقع ؟!
ولا جمال احمد عز ورشدى اباظه وغيرهم ؟!

على الرغم انى ولد بس انا مش هاتحيز لأى من الطرفين وهاقول رأيى وكل واحد يقول رأيه فى الموضوع سواء كان موافقينى او مخالفينى .

يا ترى هو ده الجمال عند البنات خاصة واحنا فى القرن 21 ، والنظرة اختلفت للمرأة ...!!!
انا فى رأيى ان البنت مش مقياس جمالها: الشعر او العيون او لون البشرة ......الخ

جمال البنت فى وقتنا الحاضر هو حياءها اللى للأسف كثير من البنات افتقدوه بحجة اننا فى تطور ولازم نعايش العصر بما فيه ، نقلد الغرب وخلاص .
كمان جمالها فى ثقافتها وتعليمها ومدى تفكيرها وتعايشها مع الزمن ومع التطور اللى احنا بنعاصره.

لأن لو كان مقياس الجمال هو الجمال الشكلى او الظاهرى ... فاعتقد ان الشباب مش محتاجين له
الجمال دلوقتى موجود فى كل مكان (والبركة فى وسائل الاعلام)اللى محرمتش الشباب من أى حاجه.


ولا انتوا ايه رأيكم يا شباب ...........؟!


اما عن جمال الشباب فده بقى اللى حكايته حكايه .............
يا شباب معتقدش ان جمالكم فى الجيل والبنطلون الواقع وقصات الشعر العالميه وخلاص على كده.

فى رأيى ان جمال الشاب دلوقتى وبرضه فى عصرنا الحالى مش هايختلف كتير عن جمال البنت
فى الثقافه والتفكير .......
يزاد على كده الرجوله اللى للأسف كثير من الشباب استعملوا الكلمه دى غلط وفهموا ان الرجوله بمعاكسة البنات وتضيع الوقت معاهم وخلاص .. فهموها بشربهم للسجاير ووقوفهم على النواصى
ومضايقه خلق الله ....

لا يا شباب مش هو ده الجمال ولا هى دى الرجوله ....... البنت بتنظر للشاب دلوقتى انه راجل المستقبل...رجل يعتمد عليه....رجل بمعنى الكلمه ... رجل مكافح يبذل قصارى جهده لتكوين نفسه يفيد بلده.... رجل يقدر عليها وعلى مطالبها .... رجل يحترمها ويحترم آراءها ويناقشها ويحاورها
رجل تفتخر بانتاجه ودراسته وثقافته ... مش رجل فافى يمشى يتدلع وياخد مصروفه من بابى ومامى. ههههههههههه

موضوع جميل جدا
انا موافقاك فى كل اللى قلته خاصة حكاية الرجولة دى

موضوع حلو اوووى ميرسي

thank u